धनजचे ठाणेदार अनिल ठाकरे ह्यांनी घडवीले माणुसकीचे दर्शन !

साप्ताहिक सागर आदित्य/

धनजचे ठाणेदार अनिल ठाकरे ह्यांनी घडवीले माणुसकीचे दर्शन !

( वृद्ध महिलेला दिला मदतीचा हात )

कारंजा लाड - खाकी वर्दी दिसली की दहशत , भीती व दंडुका डोळ्यासमोर येते पण पोलिसांची दुसरी बाजू मात्र समोर येत नाही .शहरात कायदा व सुव्यवस्था अबाधित राखण्यासाठी पोलिस यंत्रणा रात्रंदिवस डोळ्यात तेल घालून लक्ष केंद्रित करतात अश्या त्यांच्या धकाधकीच्या जीवनातही अनेक पोलिस अधिकारी व कर्मचारी आपलं माणुसकी चं नातं विसरत नाही,
          कारंजा लाड तालुक्यातील धनज येथील ठाणेदार अनिल ठाकरे यांच्या बाबतीत असाच एक सुखद अनुभव तेथील जनतेला आला. एक वृद्ध महिला जी ला रस्ता पलीकडे पार करावयाचा होता पण रस्त्यावर रहदारी भरपूर असल्याने ती पलीकडे जाऊन शकत नव्हती तेवढ्यात धनज चे ठाणेदार अनिल ठाकरे  तेथुन जात असताना त्यांच्या नजरेत ती म्हातारी महिला रस्ता पार करण्यासाठी प्रयत्न करीत असलेली दिसली पण रस्त्यावरील रहदारीच्या भीती मुळे ती करु शकत नव्हती तेवढ्यात ठाणेदार अनिल ठाकरेनी आपली गाडी थांबवली व प्रोटोकॉल बाजूला ठेवून त्या वृद्ध म्हातारीची विचारपूस करून तिला रस्ता पार करण्यासाठी मदत केली
        ठाणेदार अनिल ठाकरे  हे नेहमीच जनतेच्या मनात असुन पोलिस अधिकारी व कर्मचाऱ्यांच्या विषयी ची भीती ची भावना जनतेच्या मना तुन घालविण्यासाठी व मदत करण्यासाठी नेहमीच तत्पर असतात .
         अनिल ठाकरेचे हे प्रेमळ रुप पाहून जनता द्वारे त्यांचं अभिनंदन केल्या जातं आहे . त्यांच्या या समाजसेवी कार्याबद्दल महाराष्ट्र साप्ताहिक ग्रामिण पत्रकार परिषदेचे जिल्हाध्यक्ष संजय कडोळे यांनी त्यांचं आभार मानले.