🗳️ एसआयआरची कामे विहित मुदतीत व गुणवत्तापूर्ण पद्धतीने पूर्ण करा जिल्हाधिकारी योगेश कुंभेजकर यांचे निर्देश

 साप्ताहिक सागर आदित्य 

🗳️ एसआयआरची कामे विहित मुदतीत व गुणवत्तापूर्ण पद्धतीने पूर्ण करा

जिल्हाधिकारी योगेश कुंभेजकर यांचे निर्देश

जिल्ह्यात ९८.२१ टक्के गणना प्रपत्रांचे वितरण; ८६.४० टक्के प्रपत्रांवर प्रक्रिया पूर्ण

भारत निवडणूक आयोगाच्या विशेष सखोल पुनरिक्षण (एसआयआर) कार्यक्रमांतर्गत जिल्ह्यात सुरू असलेल्या गणना प्रपत्र वितरण, प्राप्त प्रपत्रांचे डिजिटायझेशन, यूईएफ नोंदणी तसेच प्रलंबित कामांचा जिल्हाधिकारी योगेश कुंभेजकर यांनी आढावा घेतला. यावेळी उपजिल्हा निवडणूक अधिकारी विरेंद्र जाधव, सर्व सहाय्यक निवडणूक निर्णय अधिकारी (एआरओ) तसेच सहाय्यक मतदार नोंदणी अधिकारी (एईआरओ) उपस्थित होते.

यावेळी जिल्हाधिकारी योगेश कुंभेजकर यांनी गणना प्रपत्रांचे वितरण, प्राप्त प्रपत्रांचे डिजिटायझेशन, यूईएफ नोंदणी तसेच प्रलंबित कामे विहित मुदतीत पूर्ण करण्याच्या सूचना दिल्या. प्रत्येक पात्र मतदारापर्यंत पोहोचून कोणताही पात्र मतदार वंचित राहणार नाही, याची दक्षता घेण्याबरोबरच मोहिमेच्या प्रत्येक टप्प्यात अचूकता, गुणवत्ता आणि गती कायम ठेवून समन्वयाने काम करण्यावर भर देण्याचे निर्देश त्यांनी दिले.

📊 २९ जुलै २०२६ रोजी दुपारी २ वाजेपर्यंतची प्रगती :

✅ जिल्ह्यातील एकूण मतदार : १०,१९,५१९

✅ गणना प्रपत्रांचे वितरण : ९८.२१ टक्के

✅ डिजिटायझेशन पूर्ण : ८,२१,१४७ प्रपत्रे (८०.५४ टक्के)

✅ प्रपत्रांवरील एकत्रित प्रक्रिया पूर्ण : ८६.४० टक्के

विधानसभा मतदारसंघनिहाय प्रगती :

🔹 कारंजा : ९९.३५ टक्के गणना प्रपत्रांचे वितरण आणि ९१.०० टक्के एकत्रित प्रक्रिया पूर्ण.

🔹 रिसोड : ९८.९४ टक्के वितरण आणि ८८.५१ टक्के एकत्रित प्रक्रिया पूर्ण.

🔹 वाशिम : ९६.६३ टक्के वितरण आणि ८०.६८ टक्के एकत्रित प्रक्रिया पूर्ण.

सध्या जिल्ह्यातील सर्व १,१०० बीएलओ उर्वरित गणना प्रपत्रांचे संकलन, डिजिटायझेशन, यूईएफ नोंदणी आणि पडताळणीचे काम वेगाने करत असून, निर्धारित कालावधीत विशेष सखोल पुनरिक्षण कार्यक्रम यशस्वीपणे पूर्ण करण्यासाठी संपूर्ण निवडणूक यंत्रणा समन्वयाने कार्यरत आहे.

🗳️ मतदार यादी अधिक अचूक, अद्ययावत आणि सर्वसमावेशक करण्यासाठी विशेष सखोल पुनरिक्षण मोहिमेला नागरिकांनीही सहकार्य करावे.

#Washim #SIR2026 #ElectionCommission #VoterList #SpecialIntensiveRevision #Democracy #WashimAdministration #Maharashtra #ECI