आ . आमित झनक यांचे हस्ते,कांग्रेसच्या डिजिटल सदस्य नोंदणी अभियानाला कारंजा तालुक्यात सुरवात

साप्ताहिक सागर आदित्य/

आ. आमित झनक यांचे हस्ते,कांग्रेसच्या डिजिटल सदस्य नोंदणी अभियानाला कारंजा तालुक्यात सुरवात

कारंजा (लाड )- वाशिम जिल्हा काँग्रेस कमिटी अंतर्गत कारंजा तालुका व शहर डिजिटल सदस्य नोंदणी अभियानाला वाशिम जिल्हा काँग्रेस कमिटीचे अध्यक्ष आमदार अमितभाऊ झनक ह्यांच्या नेतृत्वाखाली सुरवात झाली.
        स्थानिक श्रीमती शंकुतलाबाई धाबेकर महाविद्यालयाचे सभागृहात संपन्न झालेल्या डिजीटल नोंदणी शुभारंभ कार्यक्रमाच्या अध्यक्षस्थानी कारंजा शहर काँग्रेस कमिटीचे अध्यक्ष अरविंद लाठीया तर प्रमुख अतिथी म्हणून आमदार व वाशिम जिल्हा काँग्रेस कमिटीचे अध्यक्ष आ.अमितभाऊ झनक, महाराष्ट्र राज्य कांग्रेस कमिटीचे सरचिटणीस दिलीप भोजराज , दिलीप  मोहनावाले , वाशिम जिल्हा काँग्रेस ओबीसी विभागाचे अध्यक्ष डॉ. अशोक पाटील करसडे , भोने साहेब , कारंजा लाड तालुका काँग्रेस कमिटी चे अध्यक्ष रमेश भाऊ लांडकर , राज चौधरी , वाशिम जिल्हा पंचायत राज समिती चे अध्यक्ष अॅड. वैभव ढगे व युवक काँग्रेसचे अध्यक्ष आमीर पठाण म्हणुन व्यासपीठावर उपस्थित होते.
     ह्यावेळी सर्वप्रथम राष्ट्रपिता महात्मा गांधीजी ह्यांच्या प्रतिमेचे पूजन व हारार्पण करून  मान्यवरांच्या हस्ते दिपप्रज्वलन करण्यात येऊन राष्ट्रपिता महात्मा गांधीजींना आदरांजली वाहण्यात आली. यावेळी प्रास्ताविक करतांना आ . अमित भाऊ झनक म्हणाले की, " कांग्रेस चे राष्ट्रीय नेते खा. राहुल गांधी ह्यांच्या संकल्पनेतून साकारलेल्या या नोंदणी अभियानाला राज्यात प्रदेशाध्यक्ष नानाभाऊ पटोले ह्यांच्या नेतृत्वाखाली सुरवात झाली. कांग्रेसच्या कार्यकर्त्यांनी मोठ्या प्रमाणावर डिजीटल सदस्य नोंदणी करून येणाऱ्या काळात कांग्रेस पार्टी मजबूत करण्यासाठी प्रयत्न करावे " असे आवाहन आ. अमितभाऊ झनक ह्यांनी केले. ह्यावेळी डिजिटल सदस्य नोंदणी कशी करावी ? ह्याबद्दल ची सविस्तर माहिती प्रा. संतोष भाऊ दिवटे व देशमुख साहेबांनी उपस्थित कार्यकर्त्यांना दिली. ह्यावेळी दिलीप  भोजराज , अॅड संदेश जैन जिंतुरकर, अॅड. वैभव ढगे , दिलीपभाऊ मोहनावाले , राज चौधरी आदींनी आपले मनोगत व्यक्त केले.
          कार्यक्रमाचे सूत्रसंचालन व आभार प्रदर्शन अॅड संदेश जैन जिंतुरकर ह्यांनी केले. अब्दुल राजिक शेख , अॅड संदेश जैन जिंतुरकर व राज चौधरी यांनी ह्या कार्यक्रमाचे आयोजन केले होते .
ह्या कार्यक्रमाला शहर व ग्रामीण भागातील बहुसंख्य कांग्रेस कार्यकर्ते उपस्थित होते.‌