वाशिम तहसीलमधील मतदान केंद्रांची प्रत्यक्ष पाहणी; पात्र मतदारांच्या नोंदणीसह अचूकतेवर भर

 

साप्ताहिक सागर आदित्य 

🗳️ मतदार यादी पुनरीक्षणाचा विभागीय आयुक्त नयना गुंडे यांनी घेतला आढावा!

वाशिम तहसीलमधील मतदान केंद्रांची प्रत्यक्ष पाहणी; पात्र मतदारांच्या नोंदणीसह अचूकतेवर भर

📍 *वाशिम, 

अमरावती विभागाच्या विभागीय आयुक्त नयना गुंडे यांनी  वाशिम तहसील येथील मतदान केंद्रांना भेट देऊन तेथील व्यवस्थेची पाहणी केली. यावेळी त्यांनी मतदार यादीच्या विशेष सखोल पुनरीक्षण कार्यक्रमांतर्गत सुरू असलेल्या कामांचा आढावा घेतला.

यावेळी जिल्हाधिकारी योगेश कुंभेजकर, उपविभागीय अधिकारी वैशाली देवकर, उपजिल्हा निवडणूक अधिकारी विरेंद्र जाधव, तहसीलदार निलेश पळसकर आदींची प्रमुख उपस्थिती होती.

मतदार यादी पुनरीक्षण प्रक्रियेत पात्र मतदारांची नोंदणी, मतदारांच्या नोंदींची अचूकता आणि मतदान केंद्रांवरील आवश्यक सुविधांची उपलब्धता याबाबत विभागीय आयुक्त नयना गुंडे यांनी माहिती जाणून घेतली. पात्र नागरिकांची मतदार म्हणून नोंदणी सुनिश्चित करण्यासाठी तसेच पुनरीक्षण कार्यक्रम प्रभावीपणे राबविण्यासाठी निवडणूक यंत्रणेने दक्षतेने काम करावे, अशा सूचना त्यांनी यावेळी दिल्या.

मतदार यादी पुनरीक्षणाचे काम विहित वेळेत आणि अचूकपणे पूर्ण करण्यासाठी संबंधित अधिकाऱ्यांनी समन्वयाने कार्यवाही करावी, असेही त्यांनी सांगितले.

#मतदारयादीपुनरीक्षण #विशेषसखोलपुनरीक्षण