निवृत्तीवेतनधारकांसाठी ‘महा-उपलब्धी’ अॅप कार्यशाळा ६ ऑक्टोबरला

साप्ताहिक सागर आदित्य 

 निवृत्तीवेतनधारकांसाठी ‘महा-उपलब्धी’ अॅप कार्यशाळा ६ ऑक्टोबरला

📝 हयातीच्या दाखल्यासाठी ई-केवायसी १५ ऑक्टोबरपर्यंत पूर्ण करण्याचे आवाहन

📍 वाशिम,  : वाशिम कोषागारामधून निवृत्तीवेतन व कुटुंब निवृत्तीवेतन घेणाऱ्या राज्य शासनाच्या निवृत्तीवेतनधारक व कुटुंब निवृत्तीवेतनधारकांसाठी ‘महा-उपलब्धी’ या अधिकृत मोबाईल अॅपच्या कार्यान्वयनाबाबत कार्यशाळेचे आयोजन करण्यात आले आहे. ही कार्यशाळा मंगळवार, दि. ६ ऑक्टोबर २०२६ रोजी सकाळी ११ वाजता जिल्हा कोषागार कार्यालय, वाशिम येथे आयोजित करण्यात आली आहे.

🔹 कार्यशाळेत मार्गदर्शन

या कार्यशाळेत ‘महा-उपलब्धी’ अॅप कार्यान्वित करण्याबाबत निवृत्तीवेतनधारक व कुटुंब निवृत्तीवेतनधारकांना मार्गदर्शन करण्यात येणार आहे.

📌 हयातीच्या दाखल्यासाठी ई-केवायसी आवश्यक

‘महा-उपलब्धी’ अॅपमध्ये हयातीच्या दाखल्याची सुविधा उपलब्ध करून देण्यात येणार आहे. या सुविधेचा लाभ घेण्यासाठी वाशिम कोषागारामधून निवृत्तीवेतन व कुटुंब निवृत्तीवेतन घेणाऱ्या सर्व निवृत्तीवेतनधारक व कुटुंब निवृत्तीवेतनधारकांनी बँकेत ई-केवायसीची कार्यवाही दि. १५ ऑक्टोबर २०२६ पर्यंत पूर्ण करून घ्यावी, असे आवाहन कोषागार अधिकारी यांनी केले आहे.

#महा_उपलब्धी #निवृत्तीवेतनधारक #कुटुंबनिवृत्तीवेतन #ईकेवायसी #हयातीचादाखला #कोषागारकार्यालय #वाशिम #डिजिटलसेवा #शासनसेवा