मौजे काटा येथिल प्रथम नेत्रदान स्व ओमप्रकाश केदारमल दागडिया यांचे मरणोत्तर नेत्रदान

 साप्ताहिक सागर आदित्य 

मौजे काटा येथिल प्रथम नेत्रदान

स्व ओमप्रकाश केदारमल दागडिया यांचे मरणोत्तर नेत्रदान

स्थानिक काटा ता.जि.वाशिम येथील तेजमल ओमप्रकाश दागडिया यांचे वडिल स्व. ओमप्रकाश केदारमल दागडिया यांच्या वयाच्या ६३ व्या वर्षी दिनांक १०/०३/२०२५ रोजी सकाळी १०.३० वाजता निधन झाले. त्यांच्या मागे बराच मोठा आप्त परिवार आहे तसेच संपुर्ण दागडिया कुंटुबातील आधारस्तंभ तथा सर्वांना सोबत घेऊन चालणाऱ्या तसेच समाजकायांची आवड असलेल्या स्व. ओमप्रकाश केदारमल दागडिया यांचे निधन झाल्याने संपुर्ण दागडिया कुटुंबावर दुःखाचा डोंगर उभा असताना दागडिया कुंटुबीयांनी एवढ्या दुखामध्येही मुत्यनंतर दोन अंधाच्या जीवनात प्रकाश निर्माण करण्यासाठी नेत्रदान करण्याची इच्छा हि श्री. संजाबराव माधवराव गगांवने याच्यांकडे व्यक्त केली त्यानूसार जिल्हा सामान्य रुग्णालयाचे जिल्हा शल्य चिकित्सक डॉ. अनिल कावरखे, अति.जिल्हा शल्य चिकित्सक डॉ. अविनाश पुरी, नेत्र शल्यचिकित्सक, डॉ. आशिष बेदरकर, यांच्या मार्गदर्शनाखाली नेत्र चिकित्सा अधिकारी  ज्ञानेश्वर पोटफाडे व नेत्रदान समुपदेशक  रमेश ठाकरे यांनी स्व. ओमप्रकाश केदारमल दागडिया यांची नेत्र बुबूळे काढली व नेत्र बुबुळे त्याच दिवशी वैद्यकिय महाविद्यालय, अकोला येथे पाठविण्यात आली. तरी सदरील नेत्रदान करण्याकरीता डॉ. कैलाशचंद रामपाल दागडिया, डॉ. सागर दागडीया, भगवानदास दागडिया,  हेमराज दागडीया,  दिलीप दागडिया,  शामसुंदर राठी,  राहुल तोष्णिवाल,  मुरलीधर मुखयां, पचन धुत,  माधव देशमुख,

 पिंटु बाहेती व दागडिया कुंटुबाचे सहकार्य लाभले. तरी सर्व समाजातील गणमान्य व्यक्तीनी या नेत्रदान चळवळीत सक्रीय सहभाग घेवुन नेत्रदान चळवळ ही लोक चळवळ व्हावी. मृत्यूनंतर जवळच्या व्यक्तीचे त्वरीत नेत्रदान घडवून आणावे व नेत्रदानानंतरच मृतावर अंतिम संस्कार करावे असे आव्हान अंधत्व नियंत्रण कार्यक्रमाचे कार्यकारी समितीचे अध्यक्ष तथा मुख्य कार्यकारी अधिकारी श्री वैभव वाघमारे व जिल्हा शैल्यचिकित्सक डॉक्टर अनिल कावरखे यांनी केले असून दगडीया कुटुंबाचे आभार मानले आहेत

नेत्रदानासाठी संपर्क 99 22 51 48 जिल्हा रुग्णालय वाशिम