सेवा संकल्प अभियान’ प्रभावीपणे राबवा जिल्हाधिकारी योगेश कुंभेजकर

साप्ताहिक सागर आदित्य 

📢 ‘सेवा संकल्प अभियान’ प्रभावीपणे राबवा

जिल्हाधिकारी योगेश कुंभेजकर

🏛️ जिल्हास्तरीय अंमलबजावणी व संनियंत्रण समितीची बैठक

📅 १७ सप्टेंबर ते १७ ऑक्टोबर २०२६ या कालावधीत राज्य शासनाच्या निर्देशानुसार राबविण्यात येणाऱ्या ‘सेवा संकल्प अभियानाची’ वाशिम जिल्ह्यात प्रभावी अंमलबजावणी करण्यासाठी सर्व विभागांनी समन्वयाने नियोजन करावे, असे निर्देश जिल्हाधिकारी योगेश कुंभेजकर यांनी दिले.

जिल्हाधिकारी कार्यालयात आयोजित जिल्हास्तरीय अंमलबजावणी व संनियंत्रण समितीच्या बैठकीत ते बोलत होते.

🎯 अभियानाचा प्रमुख उद्देश

केंद्र व राज्य शासनाच्या विविध लोककल्याणकारी योजनांचा लाभ पात्र नागरिकांपर्यंत पारदर्शक आणि जलद गतीने पोहोचविणे हा ‘सेवा संकल्प अभियानाचा’ प्रमुख उद्देश आहे.

🏕️ ‘सेवा सेतू’ शिबिरांमधून थेट सेवा

अभियानाच्या कालावधीत तालुका स्तरावर ‘सेवा सेतू’ शिबिरांचे आयोजन करण्यात येणार आहे. ‘आपले सरकार सेवा केंद्रां’मार्फत अर्ज प्रक्रिया पूर्ण करून पात्र नागरिकांना शिबिरातच विविध शासकीय सेवा व योजनांचा लाभ देण्याचे नियोजन करण्यात येणार आहे.

🤝 ‘सेवा माझे योगदान’ उपक्रमातून लोकसहभाग

स्वच्छता मोहिमा, रक्तदान, वृक्षारोपण, आरोग्य व ॲनिमिया तपासणी, योग सत्रे, डिजिटल साक्षरता, अवयवदान संकल्प, रस्ते व सायबर सुरक्षा जनजागृती तसेच सरकारी योजनांची माहिती नागरिकांपर्यंत पोहोचविण्यात येणार आहे.

यासोबतच ‘सेवा ज्योत यात्रा’, ‘विकसित भारत संकल्प यात्रा’, शालेय विद्यार्थ्यांसाठी चित्रकला व वक्तृत्व स्पर्धा, ‘अंगणवाडी उत्सव’, ‘आशीर्वादाचा दिवा’, ‘बदलाची गोष्ट’, ‘आभार आणि संकल्पाची रांगोळी’ आणि ‘नमो सेवागाथा’ यांसारख्या विविध उपक्रमांमध्ये नागरिकांचा सक्रिय सहभाग वाढविण्यासाठी नियोजन करण्यात येणार आहे.

💡 युवा व नवसंशोधकांना प्रोत्साहन

युवा, विद्यार्थी, स्टार्टअप्स, व्यावसायिक आणि ग्रामीण नवसंशोधकांना प्रोत्साहन देण्यासाठी राज्यस्तरीय ‘इनोव्हेशन चॅलेंज’ राबविण्यात येणार आहे.

🏁 १७ ऑक्टोबरला ‘जनसेवक महाकुंभ’

१७ ऑक्टोबर २०२६ रोजी ‘जनसेवक महाकुंभ’द्वारे अभियानाची सांगता करण्यात येणार आहे.

📣 अभियानातील विविध उपक्रमांची माहिती नागरिकांपर्यंत व्यापक प्रमाणात पोहोचविण्यासाठी संबंधित विभागांनी माहिती व जनसंपर्क यंत्रणेशी समन्वय साधावा, असे निर्देश जिल्हाधिकाऱ्यांनी दिले.

या बैठकीला निवासी उपजिल्हाधिकारी विश्वनाथ घुगे, वाशिम उपविभागीय अधिकारी वैशाली देवकर, कारंजा उपविभागीय अधिकारी कैलास देवरे, मंगरूळपीर उपविभागीय अधिकारी रवी काळे, महसूल उपजिल्हाधिकारी प्रिया सुळे, नगरपालिका सह आयुक्त डॉ. बाबुराव बिक्कड, उपमुख्य कार्यकारी अधिकारी संजय गणवीर, प्राथमिक शिक्षणाधिकारी विठ्ठल भुसारे आदी उपस्थित होते. सर्व मुख्याधिकारी व सर्व गटविकास अधिकारी दूरदृश्यप्रणालीद्वारे सहभागी झाले होते.

📌 जिल्हास्तरीय संनियंत्रण समिती

जिल्हाधिकारी यांच्या अध्यक्षतेखाली जिल्हा परिषदेचे मुख्य कार्यकारी अधिकारी, नगरपालिका सहआयुक्त सदस्य आणि जिल्हा माहिती अधिकारी सदस्य सचिव असलेली संनियंत्रण समिती अभियानाच्या अंमलबजावणीसाठी कार्यरत राहणार आहे.

🌱 नागरिकांच्या अधिक जवळ शासनाच्या सेवा!

‘सेवा संकल्प अभियानाच्या’ माध्यमातून शासनाच्या विविध योजना व सेवा नागरिकांच्या अधिक जवळ पोहोचणार असून, पात्र लाभार्थ्यांना त्यांचा हक्काचा लाभ वेळेत मिळण्यासाठी हे अभियान महत्त्वपूर्ण ठरणार आहे.

वाशिम जिल्ह्यातील सर्व संबंधित यंत्रणांनी सक्रिय सहभाग नोंदवून नागरिकांना जास्तीत जास्त लाभ मिळवून द्यावा.

#सेवासंकल्पअभियान #सेवासेतू #सेवामाझेयोगदान #जनसेवकमहाकुंभ #लोकसहभाग #शासकीयसेवा #लोककल्याणकारीयोजना #वाशिम #जिल्हाप्रशासन #नागरिकसेवा #इनोव्हेशनचॅलेंज #सेवाज्योतयात्रा