राष्ट्रीय पोषण माह व सेवा संकल्प अभियानांतर्गत उपक्रम 🏆 स्पर्धेत रिना भगत प्रथम, कल्पना वानखेडे द्वितीय, ज्योती देशमुख तृतीय
साप्ताहिक सागर आदित्य
🌾🥗 टीएचआर पाककृतीत १४० स्पर्धकांचा उत्स्फूर्त सहभाग! 🥗🌾
राष्ट्रीय पोषण माह व सेवा संकल्प अभियानांतर्गत उपक्रम
🏆 स्पर्धेत रिना भगत प्रथम, कल्पना वानखेडे द्वितीय, ज्योती देशमुख तृतीय
📍 वाशिम, : राष्ट्रीय पोषण माह आणि सेवा संकल्प अभियानाचे औचित्य साधून महिला व बाल विकास विभाग, जिल्हा परिषद वाशिम यांच्या वतीने आयोजित घरपोच आहार (टीएचआर) पाककृती स्पर्धेला उत्स्फूर्त प्रतिसाद मिळाला. जिल्ह्यातील अंगणवाडी सेविका, पर्यवेक्षिका, गरोदर माता आणि किशोरी मुली मिळून १४० स्पर्धकांनी सहभाग नोंदविला. घरपोच आहारापासून तयार केलेल्या विविध पोषक व स्वादिष्ट पदार्थांचे प्रदर्शन यावेळी करण्यात आले.
✨ स्पर्धेचे उद्घाटन जिल्हा परिषदेचे मुख्य कार्यकारी अधिकारी अर्पित चौहान यांच्या हस्ते करण्यात आले. यावेळी मार्गदर्शन करताना त्यांनी, कुपोषणमुक्तीसाठी टीएचआर आहाराचे महत्त्व अनन्यसाधारण असून, अशा स्पर्धांमुळे महिलांच्या कल्पकतेला आणि पोषणाविषयीच्या जागरूकतेला प्रोत्साहन मिळते, असे प्रतिपादन केले.
🔎 तज्ज्ञांनी केली पाककृतींची निवड
स्पर्धेतील उत्कृष्ट पाककृतींची निवड करण्यासाठी पोषण पुनर्वसन केंद्र, जिल्हा रुग्णालय वाशिम येथील आहारतज्ज्ञ अश्विनी भारसाकळे, सावित्रीबाई फुले महिला महाविद्यालयाच्या प्रा. डॉ. मेघा देशमुख आणि बालरोगतज्ज्ञ डॉ. कु. राठोड यांनी परीक्षक म्हणून जबाबदारी पार पाडली.
🏅 स्पर्धेतील विजेते
🥇 प्रथम क्रमांक : श्रीमती रिना भगत, शिवणी (ता. मंगरुळपीर)
🥈 द्वितीय क्रमांक : श्रीमती कल्पना विनोद वानखेडे, वाकापूर (ता. मालेगाव)
🥉 तृतीय क्रमांक : श्रीमती ज्योती अनिल देशमुख, बोरवा (ता. मानोरा)
विजेत्यांना जिल्हाधिकारी योगेश कुंभेजकर यांच्या हस्ते बक्षीस वितरण करण्यात आले.
💬 “कुपोषण कमी करण्यासाठी प्रयत्नशील राहा” – जिल्हाधिकारी योगेश कुंभेजकर
बक्षीस वितरणप्रसंगी जिल्हाधिकारी योगेश कुंभेजकर यांनी स्पर्धेत तयार करण्यात आलेल्या विविध पाककृतींच्या माध्यमातून लाभार्थ्यांना पोषक आहार तयार करण्याबाबत मार्गदर्शन करावे. तसेच वाशिम जिल्ह्यातील कुपोषण कमी करण्यासाठी प्रयत्नशील राहावे, असे निर्देश सर्व अंगणवाडी सेविकांना दिले.
👥 उपस्थिती
कार्यक्रमाला महिला व बाल विकास विभागाचे जिल्हा कार्यक्रम अधिकारी संजय गणविर, प्राथमिक शिक्षणाधिकारी विठ्ठल भुसारे, बाल विकास प्रकल्प अधिकारी (नागरी) अर्चना इंगोले, बाल विकास प्रकल्प अधिकारी अर्चना फाले, अमिता गिर्हे, मदन नायक, विस्तार अधिकारी अनिल उल्हामाले, अनुप कदम, प्रथम संस्था व नवचेतना आरंभचे विभागीय समन्वयक विपुल पवार, गट समन्वयक कु. मोहिनी गवई तसेच जिल्ह्यातील सर्व पर्यवेक्षिका मोठ्या संख्येने उपस्थित होत्या.
🌱 तळागाळातील महिला व बालकांपर्यंत पोषणाचा संदेश पोहोचविणे आणि दैनंदिन आहारात पोषक घटकांचा वापर वाढविण्याच्या उद्देशाने आयोजित या उपक्रमाचे सर्व स्तरांतून कौतुक होत आहे.
#राष्ट्रीयपोषणमाह #सेवासंकल्पअभियान #THR #घरपोचआहार #पोषण #कुपोषणमुक्तवाशिम #महिलावबालविकास #अंगणवाडी #वाशिम
0 Response to "राष्ट्रीय पोषण माह व सेवा संकल्प अभियानांतर्गत उपक्रम 🏆 स्पर्धेत रिना भगत प्रथम, कल्पना वानखेडे द्वितीय, ज्योती देशमुख तृतीय"
Post a Comment