सवड येथील मुलांच्या निवासी शाळा प्रवेशासाठी 1 जूनपर्यंत अर्ज मागविले

साप्ताहिक सागर आदित्य/

सवड येथील मुलांच्या निवासी शाळा प्रवेशासाठी 1 जूनपर्यंत अर्ज मागविले

वाशिम : सामाजिक न्याय व विशेष सहाय्य विभागांतर्गत अनुसूचित जातीच्या मुलांची शासकीय निवासी शाळा सवड येथील शैक्षणिक सत्र २०२२-२३ या सत्रातील प्रवेशाकरीता सेमी इंग्रजी माध्यमासाठी इयत्ता ६ वी ते १० वी पर्यंतचे प्रवेश अर्ज मोफत उपलब्ध आहेत. निवासी शाळेत मोफत निवास व ग्रंथालयीन सुविधा आणि सुसज्ज संगणक कक्ष व इतर शैक्षणिक सुविधा उपलब्ध आहेत.

              निवासी शाळेतील प्रवेशित जागांचे आरक्षण पुढीलप्रमाणे आहे. अनुसूचित जाती व नवबौध्द ८० टक्के, अनुसूचित जमाती 1० टक्के, विमुक्त जाती भटक्या जमातीकरीता 5 टक्के, विशेष मागास प्रवर्ग 2 टक्के व दिव्यांगासाठी 3 टक्के आहे. वरीलप्रमाणे प्रवर्गनिहाय आरक्षण राहील. प्रवेश अर्ज 1 जून २०२२ पर्यंत भरता येतील. असे शाळेचे मुख्याध्यापक डी.बी.धवसे यांनी कळविले आहे.