रोजगार महाकुंभातून जिल्ह्यातील युवकांना रोजगाराची संधी २९ सप्टेंबरला जिल्ह्यात १० ठिकाणी पंडित दीनदयाळ उपाध्याय रोजगार मेळावे

 

साप्ताहिक सागर आदित्य 

💼 रोजगार महाकुंभातून जिल्ह्यातील युवकांना रोजगाराची संधी

२९ सप्टेंबरला जिल्ह्यात १० ठिकाणी पंडित दीनदयाळ उपाध्याय रोजगार मेळावे

नोकरी इच्छुक उमेदवारांनी जास्तीत जास्त लाभ घेण्याचे जिल्हाधिकाऱ्यांचे आवाहन

वाशिम,  : जिल्ह्यातील नोकरी इच्छुक युवक-युवतींना रोजगाराच्या अधिकाधिक संधी उपलब्ध करून देण्यासाठी ‘रोजगार महाकुंभ महाराष्ट्र’ अंतर्गत पंडित दीनदयाळ उपाध्याय रोजगार मेळाव्यांचे २९ सप्टेंबर २०२६ रोजी आयोजन करण्यात आले आहे. जिल्ह्यातील दहा ठिकाणी सकाळी ८ ते दुपारी ४ या वेळेत हे मेळावे होणार आहेत.

जिल्हा कौशल्य विकास, रोजगार व उद्योजकता मार्गदर्शन केंद्राच्या वतीने आयोजित या मेळाव्यांमध्ये विविध आस्थापनांमधील रिक्त पदांसाठी नोकरी इच्छुक उमेदवारांना रोजगाराची संधी उपलब्ध करून देण्यात येणार आहे. शैक्षणिक पात्रता, कौशल्ये आणि संबंधित पदाच्या आवश्यकतेनुसार उमेदवारांना आस्थापनांशी थेट संवाद साधता येणार आहे.

📍 येथे होणार रोजगार मेळावे

🔹 वाशिम – शासकीय औद्योगिक प्रशिक्षण संस्था

🔹 मंगरुळपीर – शासकीय औद्योगिक प्रशिक्षण संस्था

🔹 कारंजा – स्वातंत्र्यसैनिक श्री कन्हैयालालजी रामचंद्र इन्नानी महाविद्यालय

🔹 मानोरा – शासकीय औद्योगिक प्रशिक्षण संस्था

🔹 रिसोड – स्वर्गीय पुष्पादेवी पाटील कला व विज्ञान महाविद्यालय

🔹 मालेगाव – नाना मुंदडा विद्यालय

🔹 सावरगाव बर्डे – सन्मती इंजिनिअरिंग कॉलेज

🔹 वाशिम – तुळशीरामजी जाधव कला व वाणिज्य विज्ञान महाविद्यालय

🔹 मंगरुळपीर – गुलशन ई गोहर सहारा विद्यालय

🏢 आस्थापनांनी रिक्त पदांची माहिती द्यावी

या रोजगार मेळाव्यांमध्ये सहभागी होऊ इच्छिणाऱ्या जिल्ह्यातील उद्योग, कंपन्या व इतर आस्थापनांनी त्यांच्या उपलब्ध रिक्त पदांची माहिती विहित नमुन्यात सादर करावी.

📧 ई-मेल : washimrojgar@gmail.com

📅 अंतिम मुदत : ११ सप्टेंबर २०२६

रिक्त पदांची माहिती वरील ई-मेलवर वेळेत पाठवावी, असे आवाहन प्रवीण वा. खंडारे, सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, वाशिम यांनी केले आहे.

📢 युवक-युवती आणि आस्थापनांसाठी आवाहन

जिल्ह्यातील अधिकाधिक नोकरी इच्छुक उमेदवारांनी रोजगार मेळाव्याचा लाभ घ्यावा तसेच विविध आस्थापनांनी सहभागी होऊन उपलब्ध रिक्त पदांची माहिती वेळेत सादर करावी, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या वतीने करण्यात आले आहे.

युवक-युवतींनो, रोजगाराची संधी गमावू नका!

२९ सप्टेंबरला आपल्या जवळच्या रोजगार मेळाव्यात सहभागी व्हा.

#रोजगारमहाकुंभ #रोजगारमेळावा #रोजगारसंधी #पंडितदीनदयाळउपाध्याय #युवक #युवती #नोकरी #कौशल्यविकास #वाशिम