युवकांच्या उज्ज्वल भविष्यासाठी वाशिम जिल्हा प्रशासनाचा महत्त्वपूर्ण निर्णय!

 साप्ताहिक सागर आदित्य 

🎯 युवकांच्या उज्ज्वल भविष्यासाठी वाशिम जिल्हा प्रशासनाचा महत्त्वपूर्ण निर्णय!

💼 रोजगाराभिमुख कौशल्य प्रशिक्षणाला चालना

📍 स्थानिक गरजांनुसार प्रशिक्षण अभ्यासक्रम निश्चित होणार

रोजगार शोधणारे नव्हे, तर रोजगारासाठी सक्षम युवक घडविण्याच्या दिशेने वाशिम जिल्हा प्रशासनाने आणखी एक महत्त्वपूर्ण पाऊल उचलले आहे.

जिल्हाधिकारी योगेश कुंभेजकर यांच्या अध्यक्षतेखाली झालेल्या कौशल्य, रोजगार, उद्योजकता व नाविन्यता जिल्हा कार्यकारी समितीच्या बैठकीत सन २०२६-२७ च्या जिल्हा कौशल्य विकास आराखड्यास मंजुरी देण्यात आली.

यावेळी जिल्हाधिकारी श्री. कुंभेजकर यांनी स्पष्ट निर्देश दिले की, जिल्ह्यातील उद्योग, कृषी, आरोग्य, पर्यटन, बांधकाम आणि इतर क्षेत्रांतील स्थानिक गरजा लक्षात घेऊन प्रशिक्षण अभ्यासक्रम निश्चित करावेत. युवक-युवतींना प्रत्यक्ष रोजगार आणि स्वयंरोजगाराच्या संधी उपलब्ध करून देणारे कौशल्य प्रशिक्षण हीच विकासाची प्रभावी गुरुकिल्ली असल्याचे त्यांनी सांगितले.

बैठकीत विविध क्षेत्रांतील रोजगाराच्या संधींचा अभ्यास करून रोजगाराभिमुख आणि स्वयंरोजगाराला चालना देणारे प्रशिक्षण अभ्यासक्रम निश्चित करण्यात आले. या प्रशिक्षणाच्या माध्यमातून युवक-युवतींची कौशल्यवृद्धी होऊन त्यांना रोजगाराच्या नव्या संधी उपलब्ध होण्यास मदत होणार आहे.

तसेच महाराष्ट्र राज्य कौशल्य विकास सोसायटीमार्फत राबविण्यात येणाऱ्या प्रशिक्षण अभ्यासक्रमांच्या शुल्कातील बदल, जिल्हा कौशल्य विकास आराखडा २०२६-२७ आणि विविध प्रशिक्षण अभ्यासक्रमांबाबत सविस्तर चर्चा करण्यात आली.

बैठकीच्या प्रारंभी सहायक आयुक्त तथा सदस्य सचिव प्रवीण खंडारे यांनी प्रास्ताविक केले. कौशल्य विकास, रोजगार व उद्योजकता मार्गदर्शन अधिकारी वैशाली पवार यांनी विषयांचे सादरीकरण केले.

बैठकीस जिल्हा अधीक्षक कृषी अधिकारी आरिफ शहा, जिल्हा अग्रणी बँक व्यवस्थापक यशवीर कुमार, जिल्हा महिला व बाल विकास अधिकारी उत्तम शिंदे, मत्स्य विभागाच्या सहाय्यक आयुक्त प्रियंका झोड, जिल्हा व्यवसाय शिक्षण व प्रशिक्षण संस्थेचे सचिन नकाते यांच्यासह विविध विभागांचे अधिकारी, समिती सदस्य आणि विविध क्षेत्रांतील प्रतिनिधी उपस्थित होते.

📌 कौशल्य म्हणजे आत्मविश्वास. कौशल्य म्हणजे रोजगार. कौशल्य म्हणजे आत्मनिर्भरतेकडे वाटचाल.

वाशिम जिल्ह्यातील युवक-युवतींना गुणवत्तापूर्ण प्रशिक्षण, रोजगार आणि उद्योजकतेच्या नव्या संधी उपलब्ध करून देण्यासाठी जिल्हा प्रशासन सातत्याने प्रयत्नशील आहे.

📲 ही माहिती आपल्या मित्र-परिवारातील युवक-युवतींपर्यंत नक्की पोहोचवा. योग्य कौशल्य हेच उज्ज्वल भविष्य घडविण्याचे प्रभावी साधन आहे.

#कौशल्यविकास #रोजगार #उद्योजकता #स्वयंरोजगार #युवा_सक्षमीकरण #जिल्हाधिकारी #वाशिम #महाराष्ट्र #SkillDevelopment #Employment #Washim #GovernmentOfMaharashtra #कौशल्य_म्हणजे_संधी