एकल महिलांच्या सक्षमीकरणासाठी ऐतिहासिक पाऊल! महाराष्ट्र शासन तयार करीत आहे स्वतंत्र "एकल महिला धोरण"

 

साप्ताहिक सागर आदित्य 

एकल महिलांच्या सक्षमीकरणासाठी ऐतिहासिक पाऊल!

महाराष्ट्र शासन तयार करीत आहे स्वतंत्र "एकल महिला धोरण"

📢 सूचना व अभिप्राय पाठविण्याचे आवाहन

समाजातील विधवा, घटस्फोटित, परित्यक्ता, अविवाहित तसेच इतर एकल महिलांच्या सामाजिक, आर्थिक, शैक्षणिक आणि कायदेशीर सक्षमीकरणासाठी महाराष्ट्र शासन स्वतंत्र "एकल महिला धोरण" तयार करीत आहे. हे धोरण अधिक व्यापक, लोकाभिमुख आणि परिणामकारक व्हावे यासाठी राज्यातील नागरिक, स्वयंसेवी संस्था, महिला संघटना, सामाजिक कार्यकर्ते, अभ्यासक, संशोधक आणि विषयतज्ज्ञ यांच्याकडून सूचना व अभिप्राय मागविण्यात आले आहेत.

महिलांच्या जीवनातील विविध अडचणी, आव्हाने आणि गरजा लक्षात घेऊन त्यांना स्वावलंबी, सुरक्षित आणि सन्मानपूर्वक जीवन जगण्यासाठी आवश्यक उपाययोजनांचा या धोरणात समावेश करण्यात येणार आहे. त्यामुळे केवळ समस्या मांडण्याऐवजी त्या समस्यांवर शासनाने कोणते ठोस निर्णय घ्यावेत, कोणत्या नवीन योजना सुरू कराव्यात, विद्यमान योजनांमध्ये कोणते बदल करावेत तसेच आवश्यक असल्यास कायदे व नियमांमध्ये कोणत्या सुधारणा कराव्यात याबाबत सविस्तर सूचना पाठविण्याचे आवाहन करण्यात आले आहे.

📌 सूचना पाठविताना पुढील बाबींचा समावेश करावा :

✅ समस्येची पार्श्वभूमी

✅ अपेक्षित उपाययोजना

✅ संभाव्य लाभार्थी

✅ अपेक्षित परिणाम

✅ व्यवहार्य व अंमलबजावणीयोग्य प्रस्ताव

समाजातील प्रत्येक एकल महिलेचा आवाज या धोरण निर्मितीत महत्त्वाचा आहे. त्यामुळे सर्व संबंधितांनी सक्रिय सहभाग नोंदवून शासनाला आपल्या सूचना व अभिप्राय पाठवावेत.

📲 अधिकृत व्हॉट्सअॅप क्रमांक : ८२०८५८९१९५

प्राप्त होणाऱ्या सूचना व अभिप्रायांचा एकल महिला धोरणाचा मसुदा तयार करताना योग्य तो विचार करण्यात येणार आहे.

🤝 महिला सक्षमीकरणाच्या या महत्त्वपूर्ण उपक्रमात सहभागी व्हा आणि अधिक न्याय्य, संवेदनशील व सक्षम समाज घडविण्यास हातभार लावा.

#एकलमहिलाधोरण #महिलासक्षमीकरण #महाराष्ट्रशासन #महिलाआणिबालविकास #लोकसहभाग #Washim #WomenEmpowerment #Maharashtra