🌾 कृषी अभियानांच्या प्रभावी अंमलबजावणीसाठी यंत्रणांनी समन्वयाने काम करावे : जिल्हाधिकारी योगेश कुंभेजकर

 

साप्ताहिक सागर आदित्य 

🌾 कृषी अभियानांच्या प्रभावी अंमलबजावणीसाठी यंत्रणांनी समन्वयाने काम करावे : जिल्हाधिकारी योगेश कुंभेजकर

वाशिम जिल्ह्यात कृषी उत्पादनवाढ, अन्न सुरक्षा बळकटीकरण आणि शेतकरी सक्षमीकरणाच्या उद्देशाने राबविण्यात येणाऱ्या कडधान्य आत्मनिर्भरता अभियान, राष्ट्रीय खाद्यतेल अभियान–तेलबिया तसेच राष्ट्रीय अन्न सुरक्षा व पोषण अभियानाची प्रभावी अंमलबजावणी करण्याच्या सूचना जिल्हाधिकारी योगेश कुंभेजकर यांनी दिल्या.

जिल्हास्तरीय आढावा बैठकीत बोलताना त्यांनी कृषी विभागासह सर्व संबंधित यंत्रणांनी समन्वयातून काम करून शेतकऱ्यांना आर्थिकदृष्ट्या सक्षम करण्यासाठी सज्ज राहण्याचे आवाहन केले.

🌱 कडधान्य आत्मनिर्भरता अभियानांतर्गत

▪️ कडधान्य लागवड, उत्पादन व उत्पादकता वाढीसाठी वार्षिक कृती आराखडा

▪️ प्रमाणित बियाण्यांचे वितरण

▪️ शेतकरी प्रशिक्षण व शेतीशाळा

▪️ कृषी विज्ञान केंद्रामार्फत समूह प्रात्यक्षिके

▪️ प्रक्रिया युनिट स्थापनेसाठी विविध घटकांचा समावेश

🌻 राष्ट्रीय खाद्यतेल अभियान–तेलबिया अंतर्गत

▪️ तेलबिया उत्पादनवाढीसाठी मूल्य साखळी भागीदार निवड प्रक्रिया

▪️ बियाणे वितरण व प्रशिक्षण कार्यक्रम

▪️ पीक विमा, सूक्ष्म सिंचन व कृषी पत योजनांशी शेतकऱ्यांना जोडण्यावर भर

▪️ सुधारित तंत्रज्ञान व वाणाबाबत क्षमता विकास

🌾 राष्ट्रीय अन्न सुरक्षा व पोषण अभियानांतर्गत

▪️ भात, गहू, मका व पौष्टिक तृणधान्यांचा समावेश

▪️ पीक प्रात्यक्षिके व कीड व्यवस्थापन

▪️ प्रमाणित बियाणे वितरण

▪️ कृषी जिल्हा महोत्सवाचे आयोजन

🚜 खरीप हंगामाच्या पार्श्वभूमीवर खत, बियाणे व कीडनाशकांचा पुरेसा साठा उपलब्ध ठेवण्याच्या तसेच दर्जेदार निविष्ठांचा पुरवठा सुनिश्चित करण्याच्या सूचना बैठकीत देण्यात आल्या.

📌 जिल्ह्यात खरीप हंगामासाठी

▪️ १ लाख ४६ हजार ७६० मे.टन खतांची मागणी

▪️ ७८ हजार ७०० मे.टन खत आवंटनास मंजुरी

▪️ १५ हजार ३९२ मे.टन खतांचा प्रत्यक्ष पुरवठा

▪️ ३५ हजार ९७० मे.टन खतांचा शिल्लक साठा उपलब्ध

सोयाबीनसह विविध पिकांसाठी आवश्यक बियाण्यांच्या पुरवठा, विक्री व साठा स्थितीचाही बैठकीत आढावा घेण्यात आला.

बैठकीस जिल्हा अधीक्षक कृषी अधिकारी आरिफ शाहा, आत्मा प्रकल्प संचालक अनिसा महाबळे, उपविभागीय कृषी अधिकारी संतोष वाळके, कृषी उपसंचालक हिना शेख, कृषी विकास अधिकारी अभिजित देवगीरकर तसेच कृषी संबंधित अधिकारी व समिती सदस्य उपस्थित होते.