युवती व महिलांना मिळणार कौशल्य प्रशिक्षण व रोजगाराच्या संधी

 साप्ताहिक सागर आदित्य 

युवती व महिलांना मिळणार

कौशल्य प्रशिक्षण व रोजगाराच्या संधी

      वाशिम,  : कौशल्य विकास, रोजगार, उद्योजकता व नाविन्यता विभाग, जिल्हाधिकारी अमरावती व नवगुरुकुल फाऊंडेशन फॉर सोशल वेलफेअर यांच्या संयुक्त विद्यमाने अमरावती विभागातील 200 सुशिक्षीत बेरोजगार युवती व महिलांकरीता रोजगाराभिमुख कौशल्य प्रशिक्षण व त्यानंतर निश्चित स्वरुपाच्या रोजगाराच्या संधी जिल्हा प्रशासनाच्या माध्यमातून आकांक्षा कौशल्यातून जीवनोन्नतीकडे या कौशल्य विकास प्रकल्पांतर्गत ॲडव्हांस डिप्लोमा इन सॉफ्टवेअर प्रोग्रामिंग या अभ्यासक्रमाचे प्रशिक्षण डॉ. पंजाबराव देशमुख विदर्भ प्रशासकीय व विकास प्रशिक्षण प्रबोधिनी, अमरावती येथे देण्यात येणार आहे. या प्रशिक्षणादरम्यान संभाषण कौशल्य, व्यक्तीमत्व विकासावर भर देण्यात येणार आहे. प्रशिक्षीत व तज्ञ प्रशिक्षकांकडून मार्गदर्शन करण्यात येणार आहे. नामांकित कंपनी, स्टार्टअपमध्ये रोजगाराची संधी सुध्दा उपलब्ध करुन देण्यात येणार आहे. हे प्रशिक्षण महिलांकरीता संपूर्णपणे नि:शुल्क असून निवासी स्वरुपाचे आहे. या प्रशिक्षणाचा कालावधी 18 महिने आहे.

        हे प्रशिक्षण डॉ. पंजाबराव देशमुख विदर्भ प्रशासकीय व विकास प्रशिक्षण प्रबोधिनी, अमरावती येथे देण्यात येणार आहे. ऑनलाईन प्रवेश परीक्षा 30 जुलै पर्यंत व ऑफलाईन प्रवेश परीक्षा 7 ऑगस्ट रोजी असणार आहे. हे प्रशिक्षण 18 महिने कालावधीचे असून नि:शुल्क स्वरुपाचे आहे. निवास व भोजन व्यवस्था, प्रशिक्षण कालावधीमध्ये लॅपटॉप देण्यात येईल. प्रशिक्षीत व तज्ञ प्रशिक्षकांकडून मार्गदर्शन केले जाणार आहे. संभाषण कौशल्य व व्यक्तीमत्व विकासावर भर दिला जाणार आहे. प्रशिक्षीत व मुल्यमापनानंतर नामांकित कंपनी/स्टार्टअपमध्ये रोजगाराची हमी असणार आहे. या प्रशिक्षणासाठी वयोमर्यादा 17 ते 28 वर्षापर्यंत आहे. किमान शैक्षणिक पात्रता 12 वी विज्ञान, कला व वाणिज्य किंवा आयटीआय उत्तीर्ण असावे. प्रशिक्षणार्थी हे अमरावती विभागातील अमरावती, अकोला, यवतमाळ, बुलढाणा व वाशिम जिल्हयातील रहिवासी असावे. प्रशिक्षणार्थीचे पालक शासकीय नोकरीत नसावे. आर्थिकदृष्टया दुर्बल घटकातील महिलांना या प्रशिक्षणासाठी प्राधान्य देण्यात येणार आहे. अर्ज करण्यासाठी http://bitly.ws/sAa8 या लिंकवर अर्ज करावा. अधिक माहितीकरीता www.navgurukul.org  या संकेतस्थळाला भेट दयावी. भ्रमणध्वनी क्रमांक 9096855798 किंवा दूरध्वनी क्रमांक 07252-231494 यावर संपर्क साधावा. जिल्हयातील जास्तीत जास्त रहिवासी असलेलया महिला उमेदवारांनी या प्रशिक्षणाचा लाभ घ्यावा. असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त श्रीमती सुनंदा बजाज यांनी केले आहे.