मंगरुळपीर येथे पंचायत समिती आरक्षण सोडत सभा १३ ऑक्टोबरला
साप्ताहिक सागर आदित्य
मंगरुळपीर येथे पंचायत समिती आरक्षण सोडत सभा १३ ऑक्टोबरला
वाशिम,दि.९ ऑक्टोबर महाराष्ट्र जिल्हा परिषदा व पंचायत समित्या अधिनियम १९६१ आणि महाराष्ट्र जिल्हा परिषदा व पंचायत समित्या (जागांच्या आरक्षणाची पद्धत व चक्रानुक्रम) नियम २०२५ नुसार पंचायत समित्यांमधील जागांचे आरक्षण निश्चित करण्याची प्रक्रिया सुरू आहे.
या अनुषंगाने मंगरुळपीर पंचायत समिती क्षेत्रासाठी आरक्षण निश्चित करण्यासाठी सोडत पद्धतीने विशेष सभा आयोजित करण्यात आली आहे. ही सभा १३ ऑक्टोबर २०२५ रोजी दुपारी ३ वाजता मंगरुळपीर येथील जुनी पंचायत समिती सभागृहात पार पडणार आहे.
अनुसूचित जाती, अनुसूचित जमाती, नागरिकांचा मागासवर्ग प्रवर्ग तसेच त्या प्रवर्गांतील स्त्रिया आणि सर्वसाधारण स्त्रियांसाठी राखीव जागा निश्चित करण्याची कार्यवाही या सभेत केली जाणार आहे.
पंचायत समिती क्षेत्रातील संबंधित नागरिकांना सभेस उपस्थित राहण्याचे आवाहन तहसीलदार रवी राठोड यांनी केले आहे.
0 Response to "मंगरुळपीर येथे पंचायत समिती आरक्षण सोडत सभा १३ ऑक्टोबरला"
Post a Comment